شرح كامل لطريقة عمل RDP من GitHup و Google cloud
النهارده ان شاء الله جايبلكو طريقه الحصول على rdp مجانى نسخة لينوكس بإمكانيات 12 جيجا رام و CPU & GPU من جيت هاب وجوجل لمدة 12 ساعه ويجدد.
ان شاء الله الطريقه هتكون معتمده على جيت هاب (github) وجوجل كلود الى مطلوب منك فقط ايميل فى Gmail وتسجل فى موقع Ngrok
نبذه مختصره عن ماهو ال rdp للناس الى ماتعرفش:
بيكون سيرفر او جهاز بتختار الامكانيات الخاصه به وتكون عاليه غالباً بتشتريه فى بلد تانيه مثل الولايات المتحده أو فرنسا او كندا او اوربا او غيره من البلدان المتوفره بشكل عام وبتستغل موقعو والـip الخاص بيه وبتدخل عليه من جهازك اللاب او الموبايل وبتكون السرعه عاليه جدا حوالى من 1 جيجا ل 2 جيجا بايت فى الثانيه انا منزل طريقه ازاى تحصل عليه مجاني ممكن تستفيد بيه في مجالالت كتيير جداً مثل تحميل الملفات الضخمة واعادة رفعها حيث انه يمتاز بسرعة انترنت خيالية تصل الي 4G في الثانية ما يعادل 200 ضعف سرعة الانتر نت المنتشرة او انك تشغل برامج تجمعلك ترافيك وتبيع الترافك ده او تكبر بيه موقعك وتعلي الرانك فى الكسا او تحمل فيديوهات او افلام او العاب وتعيد رفعها لموقعك وبكدا تكون استغليت سرعتو وفى مميزات كتير.
طبعاً الـrdp الي مشروح في الموضوع ده مميز اكتر لأنو تقدر تتفاعل معاه من خلال المتصفح وبيكون مؤقت وطبعاً مجاني وتقدر تنفذ الخطوات اكتر من مرة وفي كل مرة هتحصل على ip جديد ودي من افضل المميزات طبعاً لأيصال الشرح بصورة دقيقة وتفادي الوقوع في اي مشاكل الشرح هيكون مصور في الفيديو التالي والي متواجد على قناة البرمجي
